Gorroto zenituen hileta kantu nafarrak
Ta orain idazten dizut bat
Iparraldean bezala
Herriaren erdian
Zutitu nahi baitizut hilarritxo bat

Zaude orain
Oskorriren kantutan
Itxasgorrietan Ekhi ondoratzen denean
Amaren begietan
Betirako itzali zinela zioen unean
Eta orain zer esan

Ipar-haizea maitatzen erakutsi zidanari zer esan
Ibarbeltzen negu gordin hau epeldu zidanari nola esan

Agur
Asko nuen esateko
Asko zuri emateko
Agur
Arakiletik dator Herio
Behar baino lehenago

Enara bat kokatu da berriz gure leihoan
Ta nik zu zattut besotan

Urederra bera bezala
Gauerdi pare hortan
Atseden hartu duzu bapatean

Nire kantuen armonia zen bidelagunari zer esan
Ixiltasunaren hizkuntzan ulertzen zidan horri nola esan

Agur
Asko nuen esateko
Asko zuri emateko
Agur
Arakiletik dator Herio
Behar baino lehenago

Ta Kantauritik harago
Zerbait balego
Besarkatuko gara berriro
Batzen gattuenean Heriok

Agur
Arakiletik dator Herio